काठमाडौं ।
काठमाडौंको सिनामंगलस्थित काठमाडौं मेडिकल कलेजका चिकित्सकहरु सहकर्मीमाथि हातपात भएको विरोधमा दोस्रो दिन पनि काम छोडेर प्रर्दशनमा उत्रिएका छन् ।
इन्टर्न डाक्टरमाथि हातपात भएको भन्दै उनीहरुले काम बन्द गरेर आज दोस्रो दिन पनि अस्पताल अगाडिको सडकमा धर्ना दिइरहेका छन् ।
आन्दोलनमा सहभागि डाक्टर कमलराज शाहले सरकारसँगको सहमतिको मसी नसेलाउँदै यस्तो घटना दोहोरिनु कानूनमाथि जनताको विश्वास घट्नु भएको दाबी गरे ।
उनले भने, ‘ यो घटनामा संलग्न दोषिलाई सजाय दिनको लागि हामीले आफ्नो आफ्नो स्थानबाट माग गर्नुपर्छ । अस्ति भर्खर सहमती भएको ऐन जुन छ यसलाई पनि अझ प्रचार गर्न आवश्यक भएको देखिएको छ ।’
यस्तै, अर्का डाक्टर अंकित आचार्यले यसरी नियम कानून कसैले पनि आफ्नो हातमा लिन नमिल्ने भन्दै यसप्रति सबैको ध्यानाकर्षण हुनुपर्ने बताए ।
उनले भने, ‘यो घटना दर्ता गर्न मानिरहेको थिएन् हामीले हिजो रातीको ११ बजेसम्म यहाँ बसेर गृहमन्त्रीको फोन आएपछि बल्ल घटना दर्ता गर्नुभयो । यस्तो हुनु भएन, नियम कानून कसैले पनि आफ्नो हातमा लिन मिल्दैन ।
डाक्टर खड्कामाथि हातपात गरेको आरोपमा प्रहरीले रुपक गौतम तथा सरोज गौतमलाई पक्राउ गरेको छ । घटनाको अनुसन्धान भईरहेको प्रहरीले जनाएको छ ।
