काठमाडौं ।
अन्डर नाईन्टिन एसीसी प्रिमियर कप क्रिकेटमा नेपालले साउदी अरबसँग खेलिरहेको छ ।
मलेसियामा भइरहेको खेलमा साउदी अरबले टस जितेर बलिङ् रोजेपछि नेपालले ब्याटिङ गरिरहेको छ ।
आजको खेलले सेमिफाइनल प्रवेश गर्ने टोलीको टुङ्गो लगाउनेछ । लिग चरणको खेलमा नेपाल र साउदी दुवैले बहराईन र इरानलाई हराएका छन् ।
दुवै टिमले समान २ खेलबाट ४ अंक जोडेर तालिकाको पहिलो र दोस्रो स्थानमा छन् । समूह चरणको दुई खेलमा नेपालको प्रर्दशन शानदार छ । पहिलो खेलमा इरानलाई २ सय ७४ रनले हराएको नेपालले दोस्रो खेलमा बहराईनलाई ७ विकेटले पराजित गरेको थियो ।
