विराटनगर ।
कोशी प्रदेशका दुई जिल्लामा भएका सवारी दुर्घटनामा दुईजनाको मृत्यु भएको छ ।
प्रदेश प्रहरी कार्यालयका अनुसार झापा र ओखलढुंगामा भएका दुर्घटनामा दुईजनाको मृत्यु भएको हो ।
झापाको भद्रपुर नगरपालिका–८ मा बुधबार राति मे ७ प ७७२४ नम्बर मोटरसाइकल अनियन्त्रित भइ दुर्घटना हुँदा ५१ वर्षीय योगप्रसाद लिम्बूको मृत्यु भएको प्रहरीले जनाएको छ ।
यसैगरी, ओखलढुंगाको सिद्धिचरण नगरपालिका–२ मा बा १५ च ८५७० नम्बरको बोलेरो गाडी अनियन्त्रित भई सडकबाट करिब ५० मिटर तल खस्दा ४५ वर्षीया नरमाया राईको मृत्यु भएको प्रहरीले जनाएको छ ।
उक्त दुर्घटनामा घाइते भएका १८ वर्षीय बिबेक परियार, २९ वर्षीय मनोज कटवाल र २५ वर्षीय निरज कटवालको स्थानीय स्वास्थ्य संस्थामा उपचार गरिएको छ ।
