काठमाडौं ।
आयोजक रेडियन्ट पब्लिक नवौं रेडियन्ट कप अन्तरविद्यालय बास्केटबल प्रतियोगितामा शनिबार दोहोरो उपाधिनजिक पुगेको छ ।
रेडियन्टको सिनियर र जुनियर ब्वाइज दुवै टोली फाइनलमा पुगेको हो । सिनियर गल्र्समा भने आयोजक रेडियन्टको टोली सेमिफाइनलमै रोकियो ।
स्युचाटारस्थित घरेलु कोर्टमा भएको सिनियर ब्वाइज सेमिफाइनलमा रेडियन्टले एन्जल लर्डलाई ४९–३१ ले पराजित ग¥यो । रेडियन्टको जितमा लमिक योञ्जनले १४ अंक योगदान गरे । फाइनलमा रेडियन्टको भेट जेनिथसँग हुनेछ ।
अर्को सेमिफाइनलमा सुशिल शाहीको २१ अंक सहयोगमा जेनिथले ज्ञानोदयलाई ५४–२९ ले हराएको थियो ।
जुनियर ब्वाइजमा रेडियन्टले इडेन ब्रिज एकेडेमी (इबीए) लाई ३४–९ ले पाखा लगायो । विजेताका सुशंकेत बनेपालीले १५ स्कोर गरे । उपाधिका लागि रेडियन्टले ग्रिनफिल्डसंग खेल्ने छ ।
ग्रिनफिल्डले श्रृजना ज्ञान सागरलाई २३–१५ ले पन्छायो । ग्रिनफिल्डका रिसभ तामाङले १३ अंक बटुले ।
सिनियर गल्र्समा जेसिज र रिब्सले उपाधि भिडन्त पक्का गरे । जेसिजले स्वर्णिममाथि १०–६ को जित दर्ता ग¥यो । जेसिजकी विप्रिशा श्रेष्ठले ३ अंक जोडिन् । आयोजक रेडियन्ट विरुद्धको खेलमा रिब्स २५–१९ ले विजयी भयो । रिब्सकी आयुशा श्रेष्ठले १० स्कोर गरिन् ।
